Muling nagtipon ang komunidad ng Mountain Province State University (MPSU), sa pangunguna ni University President Dr. Edgar G. Cue, para sa lingguhang seremonya ng pagtataas ng watawat nitong Agosto 24, bilang pagsisimula ng panibagong linggo. Naging punong-abala sa seremonya ang Yunit ng mga Serbisyo sa Kalusugan.
Sa seremonya, iginawad ang mga sertipiko sa mga kalahok ng Yumap-ewan Ya Kumedselan Challenge, isang weight loss activity na naglalayong hikayatin ang komunidad ng MPSU na magkaroon ng mas malusog at aktibong pamumuhay. Unang kinilala at ginawaran ng sertipiko ang mga nagwagi sa naturang hamon, na sinundan ng paggawad ng Sertipiko ng Pagtatapos at Pakikilahok sa mga matagumpay na nakatapos at aktibong nakilahok sa nasabing programa.
Ang pagkilala sa mga kalahok ay nagsisilbing inspirasyon sa komunidad ng MPSU na bigyang-halaga ang kalusugan, disiplina, at pagpapanatili ng isang aktibong pamumuhay.
