Sa Lahat ng mga Mag-aaral, Guro, at Kawani ng MPSU:
Alinsunod sa Memorandum Circular No. 133 mula sa Tanggapan ng Pangulo na nagpapatupad ng suspensyon ng mga klase at trabaho sa mga tanggapan ng pamahalaan sa Mountain Province ngayong Setyembre 1, 2026 dahil sa banta ng malakas na pag-ulan dulot ng Southwest Monsoon (Habagat), ang lahat ng aktibidad, pagsusumite, at paligsahan para sa Buwan ng Wika ay IPINAGLIBAN at ililipat sa 𝗦𝗲𝘁𝘆𝗲𝗺𝗯𝗿𝗲 𝟮, 𝟮𝟬𝟮𝟲.
Para sa kaalaman ng lahat, narito ang bagong iskedyul ng mga gawain:
Pampinid na Programa at Mismong Patimpalak (Culminating Program & Contest Proper):
Lugar: MPSU Bontoc Admin Lobby
Petsa: Setyembre 2, 2026
Oras: 1:30 ng hapon
Para sa mga Kalahok ng mga Paligsahan (Pagkukuwento, Dramatikong Monologo, Tulaang Bigkas, Dalawahang Pag-arte):
Ang pagsumite ng mga piyesa ay gagawin na sa Events Management Office sa Setyembre 2, 2026, bago o pagsapit ng 10:00 ng umaga.
Para sa mga Kalahok sa Pagsulat ng Sanaysay:
Inaasahan ang inyong pagdalo sa Admin Conference Hall sa Setyembre 2, 2026, sa ganap na 9:30 ng umaga para sa mismong patimpalak.
Maraming salamat sa inyong pang-unawa at kooperasyon. Mangyaring manatiling ligtas at alerto ang lahat!
